Sulmuesi është përfolur shumë kohëve të fundit.

Disa javë më parë, Neymar dha një deklaratë ku la të kuptohet se do të tërhiqet nga Kombëtarja e Brazilit pas Kupës së Botës 2022, transmeton lajmi.net.

Megjithatë ai në një intervistë tani ka thënë se deklarata e tij është keqkuptuar dhe se nuk e ka ndërmend të tërhiqet nga Brazili.

“Unë thashë diçka, por njerëzit kuptuan një gjë tjetër”.

“Do të jap maksimumin që të jem atje në 100% të formëse sepse është sikur të kisha një lojë të nesërmen, kështu e bëj. Nëse ka një lojë nesër, ajo ndeshje për mua, është sikur të ishte e fundit në jetën time”.

“Kur e thashë këtë, ishte pak e diskutueshme, me njerëzit që thoshin se dua të ndaloj së luajturi futboll dhe se do të largohem nga kombëtarja”.

“Njerëzit kuptuan një gjë krejtësisht tjetër. Doja të them se po e shoh këtë kampionat sikur të ishte e fundit. Pse? Sepse nuk e dimë si do të jetë e nesërmja dhe çfarë mund të ndodhë”, tha Neymar.

Ndërkohë, futbollisti i PSG është shumë afër të bëhet golashënuesi më i mirë në histori të Brazilit pasi momentalisht ka 70 gola të shënuar, shtatë më pak se Pele që ka shënuar 77.